Komuna e Prishtinës njofton se FSK do kryejë stërvitje për shtatë ditë në këto fshatra

15:21 | 8 Tetor 2025
Gita

Komuna e Prishtinës ka njoftuar se për shtatë ditë radhazi Forca e Sigurisë së Kosovës (FSK), do kryejë stërvitje në zonën e fshatrave Mramor dhe Badovc.

Sipas njoftimit, stërvitjet do të kryhen nga data 20 deri më 27 tetor, raporton Arbresh.info.

“Ju informojmë se Forca e Sigurisë së Kosovës (FSK), bazuar në planin e saj të stërvitjeve, do të realizojë stërvitje ushtarake gjatë datave 20 – 27 tetor 2025 në zonën e fshatrave: Mramor Badovc. Gjatë kësaj periudhe do të ketë lëvizje të këmbësorisë dhe automjeteve ushtarake në këto zona”, thuhet në njoftim.

Ky, sipas njoftimit, është një aktivitet i planifikuar në kuadër të stërvitjeve të rregullta të FSK-së, prandaj nuk ka vend për shqetësim./Arbresh.info/